Mandalas 8 - (1716 verses)
अष्टम मंडल — इंद्र और सोम
103 सूक्त। इंद्र और सोम की स्तुतियों का भंडार। इसमें वालखिल्य नामक 11 सूक्त भी हैं — जो अलग से प्रसिद्ध हैं।
Mandala 8 · Verse 1
mā cid anyad vi śaṁsata sakhāyo mā riṣaṇyata | indram it stotā vṛṣaṇaṁ sacā sute muhur ukthā ca śaṁsata
Mandala 8 · Verse 2
avakrakṣiṇaṁ vṛṣabhaṁ yathājuraṁ gāṁ na carṣaṇīsaham | vidveṣaṇaṁ saṁvananobhayaṁkaram maṁhiṣṭham ubhayāvinam
Mandala 8 · Verse 3
yac cid dhi tvā janā ime nānā havanta ūtaye | asmākam brahmedam indra bhūtu te 'hā viśvā ca vardhanam
Mandala 8 · Verse 4
vi tartūryante maghavan vipaścito 'ryo vipo janānām | upa kramasva pururūpam ā bhara vājaṁ nediṣṭham ūtaye
Mandala 8 · Verse 5
mahe cana tvām adrivaḥ parā śulkāya deyām | na sahasrāya nāyutāya vajrivo na śatāya śatāmagha
Mandala 8 · Verse 6
vasyām̐ indrāsi me pitur uta bhrātur abhuñjataḥ | mātā ca me chadayathaḥ samā vaso vasutvanāya rādhase
Mandala 8 · Verse 7
kveyatha kved asi purutrā cid dhi te manaḥ | alarṣi yudhma khajakṛt puraṁdara pra gāyatrā agāsiṣuḥ
Mandala 8 · Verse 8
prāsmai gāyatram arcata vāvātur yaḥ puraṁdaraḥ | yābhiḥ kāṇvasyopa barhir āsadaṁ yāsad vajrī bhinat puraḥ
Mandala 8 · Verse 9
ye te santi daśagvinaḥ śatino ye sahasriṇaḥ | aśvāso ye te vṛṣaṇo raghudruvas tebhir nas tūyam ā gahi
Mandala 8 · Verse 10
ā tv a1dya sabardughāṁ huve gāyatravepasam | indraṁ dhenuṁ sudughām anyām iṣam urudhārām araṁkṛtam
Mandala 8 · Verse 11
yat tudat sūra etaśaṁ vaṅkū vātasya parṇinā | vahat kutsam ārjuneyaṁ śatakratuḥ tsarad gandharvam astṛtam
Mandala 8 · Verse 12
ya ṛte cid abhiśriṣaḥ purā jatrubhya ātṛdaḥ | saṁdhātā saṁdhim maghavā purūvasur iṣkartā vihrutam punaḥ
Mandala 8 · Verse 13
mā bhūma niṣṭyā ivendra tvad araṇā iva | vanāni na prajahitāny adrivo duroṣāso amanmahi
Mandala 8 · Verse 14
amanmahīd anāśavo 'nugrāsaś ca vṛtrahan | sakṛt su te mahatā śūra rādhasā anu stomam mudīmahi
Mandala 8 · Verse 15
yadi stomam mama śravad asmākam indram indavaḥ | tiraḥ pavitraṁ sasṛvāṁsa āśavo mandantu tugryāvṛdhaḥ
Mandala 8 · Verse 16
ā tv a1dya sadhastutiṁ vāvātuḥ sakhyur ā gahi | upastutir maghonām pra tvāvatv adhā te vaśmi suṣṭutim
Mandala 8 · Verse 17
sotā hi somam adribhir em enam apsu dhāvata | gavyā vastreva vāsayanta in naro nir dhukṣan vakṣaṇābhyaḥ
Mandala 8 · Verse 18
adha jmo adha vā divo bṛhato rocanād adhi | ayā vardhasva tanvā girā mamā jātā sukrato pṛṇa
Mandala 8 · Verse 19
indrāya su madintamaṁ somaṁ sotā vareṇyam | śakra eṇam pīpayad viśvayā dhiyā hinvānaṁ na vājayum
Mandala 8 · Verse 20
mā tvā somasya galdayā sadā yācann ahaṁ girā | bhūrṇim mṛgaṁ na savaneṣu cukrudhaṁ ka īśānaṁ na yāciṣat
Mandala 8 · Verse 21
madeneṣitam madam ugram ugreṇa śavasā | viśveṣāṁ tarutāram madacyutam made hi ṣmā dadāti naḥ
Mandala 8 · Verse 22
śevāre vāryā puru devo martāya dāśuṣe | sa sunvate ca stuvate ca rāsate viśvagūrto ariṣṭutaḥ
Mandala 8 · Verse 23
endra yāhi matsva citreṇa deva rādhasā | saro na prāsy udaraṁ sapītibhir ā somebhir uru sphiram
Mandala 8 · Verse 24
ā tvā sahasram ā śataṁ yuktā rathe hiraṇyaye | brahmayujo haraya indra keśino vahantu somapītaye
Mandala 8 · Verse 25
ā tvā rathe hiraṇyaye harī mayūraśepyā | śitipṛṣṭhā vahatām madhvo andhaso vivakṣaṇasya pītaye
Mandala 8 · Verse 26
pibā tv a1sya girvaṇaḥ sutasya pūrvapā iva | pariṣkṛtasya rasina iyam āsutiś cārur madāya patyate
Mandala 8 · Verse 27
ya eko asti daṁsanā mahām̐ ugro abhi vrataiḥ | gamat sa śiprī na sa yoṣad ā gamad dhavaṁ na pari varjati
Mandala 8 · Verse 28
tvam puraṁ cariṣṇvaṁ vadhaiḥ śuṣṇasya sam piṇak | tvam bhā anu caro adha dvitā yad indra havyo bhuvaḥ
Mandala 8 · Verse 29
mama tvā sūra udite mama madhyaṁdine divaḥ | mama prapitve apiśarvare vasav ā stomāso avṛtsata
Mandala 8 · Verse 30
stuhi stuhīd ete ghā te maṁhiṣṭhāso maghonām | ninditāśvaḥ prapathī paramajyā maghasya medhyātithe
Mandala 8 · Verse 31
ā yad aśvān vananvataḥ śraddhayāhaṁ rathe ruham | uta vāmasya vasunaś ciketati yo asti yādvaḥ paśuḥ
Mandala 8 · Verse 32
ya ṛjrā mahyam māmahe saha tvacā hiraṇyayā | eṣa viśvāny abhy astu saubhagāsaṅgasya svanadrathaḥ
Mandala 8 · Verse 33
adha plāyogir ati dāsad anyān āsaṅgo agne daśabhiḥ sahasraiḥ | adhokṣaṇo daśa mahyaṁ ruśanto naḻā iva saraso nir atiṣṭhan
Mandala 8 · Verse 34
anv asya sthūraṁ dadṛśe purastād anastha ūrur avarambamāṇaḥ | śaśvatī nāry abhicakṣyāha subhadram arya bhojanam bibharṣi
Mandala 8 · Verse 1
idaṁ vaso sutam andhaḥ pibā supūrṇam udaram | anābhayin rarimā te
Mandala 8 · Verse 2
nṛbhir dhūtaḥ suto aśnair avyo vāraiḥ paripūtaḥ | aśvo na nikto nadīṣu
Mandala 8 · Verse 3
taṁ te yavaṁ yathā gobhiḥ svādum akarma śrīṇantaḥ | indra tvāsmin sadhamāde
Mandala 8 · Verse 4
indra it somapā eka indraḥ sutapā viśvāyuḥ | antar devān martyām̐ś ca
Mandala 8 · Verse 5
na yaṁ śukro na durāśīr na tṛprā uruvyacasam | apaspṛṇvate suhārdam
Mandala 8 · Verse 6
gobhir yad īm anye asman mṛgaṁ na vrā mṛgayante | abhitsaranti dhenubhiḥ
Mandala 8 · Verse 7
traya indrasya somāḥ sutāsaḥ santu devasya | sve kṣaye sutapāvnaḥ
Mandala 8 · Verse 8
trayaḥ kośāsaḥ ścotanti tisraś camva1ḥ supūrṇāḥ | samāne adhi bhārman
Mandala 8 · Verse 9
śucir asi puruniḥṣṭhāḥ kṣīrair madhyata āśīrtaḥ | dadhnā mandiṣṭhaḥ śūrasya
Mandala 8 · Verse 10
ime ta indra somās tīvrā asme sutāsaḥ | śukrā āśiraṁ yācante
Mandala 8 · Verse 11
tām̐ āśiram puroḻāśam indremaṁ somaṁ śrīṇīhi | revantaṁ hi tvā śṛṇomi
Mandala 8 · Verse 12
hṛtsu pītāso yudhyante durmadāso na surāyām | ūdhar na nagnā jarante
Mandala 8 · Verse 13
revām̐ id revataḥ stotā syāt tvāvato maghonaḥ | pred u harivaḥ śrutasya
Mandala 8 · Verse 14
ukthaṁ cana śasyamānam agor arir ā ciketa | na gāyatraṁ gīyamānam
Mandala 8 · Verse 15
mā na indra pīyatnave mā śardhate parā dāḥ | śikṣā śacīvaḥ śacībhiḥ
Mandala 8 · Verse 16
vayam u tvā tadidarthā indra tvāyantaḥ sakhāyaḥ | kaṇvā ukthebhir jarante
Mandala 8 · Verse 17
na ghem anyad ā papana vajrinn apaso naviṣṭau | taved u stomaṁ ciketa
Mandala 8 · Verse 18
icchanti devāḥ sunvantaṁ na svapnāya spṛhayanti | yanti pramādam atandrāḥ
Mandala 8 · Verse 19
o ṣu pra yāhi vājebhir mā hṛṇīthā abhy a1smān | mahām̐ iva yuvajāniḥ
Mandala 8 · Verse 20
mo ṣv a1dya durhaṇāvān sāyaṁ karad āre asmat | aśrīra iva jāmātā
Mandala 8 · Verse 21
vidmā hy asya vīrasya bhūridāvarīṁ sumatim | triṣu jātasya manāṁsi
Mandala 8 · Verse 22
ā tū ṣiñca kaṇvamantaṁ na ghā vidma śavasānāt | yaśastaraṁ śatamūteḥ
Mandala 8 · Verse 23
jyeṣṭhena sotar indrāya somaṁ vīrāya śakrāya | bharā piban naryāya
Mandala 8 · Verse 24
yo vediṣṭho avyathiṣv aśvāvantaṁ jaritṛbhyaḥ | vājaṁ stotṛbhyo gomantam
Mandala 8 · Verse 25
panyam-panyam it sotāra ā dhāvata madyāya | somaṁ vīrāya śūrāya
Mandala 8 · Verse 26
pātā vṛtrahā sutam ā ghā gaman nāre asmat | ni yamate śatamūtiḥ
Mandala 8 · Verse 27
eha harī brahmayujā śagmā vakṣataḥ sakhāyam | gīrbhiḥ śrutaṁ girvaṇasam
Mandala 8 · Verse 28
svādavaḥ somā ā yāhi śrītāḥ somā ā yāhi | śiprinn ṛṣīvaḥ śacīvo nāyam acchā sadhamādam
Mandala 8 · Verse 29
stutaś ca yās tvā vardhanti mahe rādhase nṛmṇāya | indra kāriṇaṁ vṛdhantaḥ
Mandala 8 · Verse 30
giraś ca yās te girvāha ukthā ca tubhyaṁ tāni | satrā dadhire śavāṁsi
Mandala 8 · Verse 31
eved eṣa tuvikūrmir vājām̐ eko vajrahastaḥ | sanād amṛkto dayate
Mandala 8 · Verse 32
hantā vṛtraṁ dakṣiṇenendraḥ purū puruhūtaḥ | mahān mahībhiḥ śacībhiḥ
Mandala 8 · Verse 33
yasmin viśvāś carṣaṇaya uta cyautnā jrayāṁsi ca | anu ghen mandī maghonaḥ
Mandala 8 · Verse 34
eṣa etāni cakārendro viśvā yo 'ti śṛṇve | vājadāvā maghonām
Mandala 8 · Verse 35
prabhartā rathaṁ gavyantam apākāc cid yam avati | ino vasu sa hi voḻhā
Mandala 8 · Verse 36
sanitā vipro arvadbhir hantā vṛtraṁ nṛbhiḥ śūraḥ | satyo 'vitā vidhantam
Mandala 8 · Verse 37
yajadhvainam priyamedhā indraṁ satrācā manasā | yo bhūt somaiḥ satyamadvā
Mandala 8 · Verse 38
gāthaśravasaṁ satpatiṁ śravaskāmam purutmānam | kaṇvāso gāta vājinam
Mandala 8 · Verse 39
ya ṛte cid gās padebhyo dāt sakhā nṛbhyaḥ śacīvān | ye asmin kāmam aśriyan
Mandala 8 · Verse 40
itthā dhīvantam adrivaḥ kāṇvam medhyātithim | meṣo bhūto3 'bhi yann ayaḥ
Mandala 8 · Verse 41
śikṣā vibhindo asmai catvāry ayutā dadat | aṣṭā paraḥ sahasrā
Mandala 8 · Verse 42
uta su tye payovṛdhā mākī raṇasya naptyā | janitvanāya māmahe
Mandala 8 · Verse 1
pibā sutasya rasino matsvā na indra gomataḥ | āpir no bodhi sadhamādyo vṛdhe3 'smām̐ avantu te dhiyaḥ
Mandala 8 · Verse 2
bhūyāma te sumatau vājino vayam mā naḥ star abhimātaye | asmāñ citrābhir avatād abhiṣṭibhir ā naḥ sumneṣu yāmaya
Mandala 8 · Verse 3
imā u tvā purūvaso giro vardhantu yā mama | pāvakavarṇāḥ śucayo vipaścito 'bhi stomair anūṣata
Mandala 8 · Verse 4
ayaṁ sahasram ṛṣibhiḥ sahaskṛtaḥ samudra iva paprathe | satyaḥ so asya mahimā gṛṇe śavo yajñeṣu viprarājye
Mandala 8 · Verse 5
indram id devatātaya indram prayaty adhvare | indraṁ samīke vanino havāmaha indraṁ dhanasya sātaye
Mandala 8 · Verse 6
indro mahnā rodasī paprathac chava indraḥ sūryam arocayat | indre ha viśvā bhuvanāni yemira indre suvānāsa indavaḥ
Mandala 8 · Verse 7
abhi tvā pūrvapītaya indra stomebhir āyavaḥ | samīcīnāsa ṛbhavaḥ sam asvaran rudrā gṛṇanta pūrvyam
Mandala 8 · Verse 8
asyed indro vāvṛdhe vṛṣṇyaṁ śavo made sutasya viṣṇavi | adyā tam asya mahimānam āyavo 'nu ṣṭuvanti pūrvathā
Mandala 8 · Verse 9
tat tvā yāmi suvīryaṁ tad brahma pūrvacittaye | yenā yatibhyo bhṛgave dhane hite yena praskaṇvam āvitha
Mandala 8 · Verse 10
yenā samudram asṛjo mahīr apas tad indra vṛṣṇi te śavaḥ | sadyaḥ so asya mahimā na saṁnaśe yaṁ kṣoṇīr anucakrade
Mandala 8 · Verse 11
śagdhī na indra yat tvā rayiṁ yāmi suvīryam | śagdhi vājāya prathamaṁ siṣāsate śagdhi stomāya pūrvya
Mandala 8 · Verse 12
śagdhī no asya yad dha pauram āvitha dhiya indra siṣāsataḥ | śagdhi yathā ruśamaṁ śyāvakaṁ kṛpam indra prāvaḥ svarṇaram
Mandala 8 · Verse 13
kan navyo atasīnāṁ turo gṛṇīta martyaḥ | nahī nv asya mahimānam indriyaṁ svar gṛṇanta ānaśuḥ
Mandala 8 · Verse 14
kad u stuvanta ṛtayanta devata ṛṣiḥ ko vipra ohate | kadā havam maghavann indra sunvataḥ kad u stuvata ā gamaḥ
Mandala 8 · Verse 15
ud u tye madhumattamā giraḥ stomāsa īrate | satrājito dhanasā akṣitotayo vājayanto rathā iva
Mandala 8 · Verse 16
kaṇvā iva bhṛgavaḥ sūryā iva viśvam id dhītam ānaśuḥ | indraṁ stomebhir mahayanta āyavaḥ priyamedhāso asvaran
Mandala 8 · Verse 17
yukṣvā hi vṛtrahantama harī indra parāvataḥ | arvācīno maghavan somapītaya ugra ṛṣvebhir ā gahi
Mandala 8 · Verse 18
ime hi te kāravo vāvaśur dhiyā viprāso medhasātaye | sa tvaṁ no maghavann indra girvaṇo veno na śṛṇudhī havam
Mandala 8 · Verse 19
nir indra bṛhatībhyo vṛtraṁ dhanubhyo asphuraḥ | nir arbudasya mṛgayasya māyino niḥ parvatasya gā ājaḥ
Mandala 8 · Verse 20
nir agnayo rurucur nir u sūryo niḥ soma indriyo rasaḥ | nir antarikṣād adhamo mahām ahiṁ kṛṣe tad indra pauṁsyam
Mandala 8 · Verse 21
yam me dur indro marutaḥ pākasthāmā kaurayāṇaḥ | viśveṣāṁ tmanā śobhiṣṭham upeva divi dhāvamānam
Mandala 8 · Verse 22
rohitam me pākasthāmā sudhuraṁ kakṣyaprām | adād rāyo vibodhanam
Mandala 8 · Verse 23
yasmā anye daśa prati dhuraṁ vahanti vahnayaḥ | astaṁ vayo na tugryam
Mandala 8 · Verse 24
ātmā pitus tanūr vāsa ojodā abhyañjanam | turīyam id rohitasya pākasthāmānam bhojaṁ dātāram abravam
Mandala 8 · Verse 1
yad indra prāg apāg udaṅ nyag vā hūyase nṛbhiḥ | simā purū nṛṣūto asy ānave 'si praśardha turvaśe
Mandala 8 · Verse 2
yad vā rume ruśame śyāvake kṛpa indra mādayase sacā | kaṇvāsas tvā brahmabhiḥ stomavāhasa indrā yacchanty ā gahi
Mandala 8 · Verse 3
yathā gauro apā kṛtaṁ tṛṣyann ety averiṇam | āpitve naḥ prapitve tūyam ā gahi kaṇveṣu su sacā piba
Mandala 8 · Verse 4
mandantu tvā maghavann indrendavo rādhodeyāya sunvate | āmuṣyā somam apibaś camū sutaṁ jyeṣṭhaṁ tad dadhiṣe sahaḥ
Mandala 8 · Verse 5
pra cakre sahasā saho babhañja manyum ojasā | viśve ta indra pṛtanāyavo yaho ni vṛkṣā iva yemire
Mandala 8 · Verse 6
sahasreṇeva sacate yavīyudhā yas ta ānaḻ upastutim | putram prāvargaṁ kṛṇute suvīrye dāśnoti namaüktibhiḥ
Mandala 8 · Verse 7
mā bhema mā śramiṣmograsya sakhye tava | mahat te vṛṣṇo abhicakṣyaṁ kṛtam paśyema turvaśaṁ yadum
Mandala 8 · Verse 8
savyām anu sphigyaṁ vāvase vṛṣā na dāno asya roṣati | madhvā sampṛktāḥ sāragheṇa dhenavas tūyam ehi dravā piba
Mandala 8 · Verse 9
aśvī rathī surūpa id gomām̐ id indra te sakhā | śvātrabhājā vayasā sacate sadā candro yāti sabhām upa
Mandala 8 · Verse 10
ṛśyo na tṛṣyann avapānam ā gahi pibā somaṁ vaśām̐ anu | nimeghamāno maghavan dive-diva ojiṣṭhaṁ dadhiṣe sahaḥ
Mandala 8 · Verse 11
adhvaryo drāvayā tvaṁ somam indraḥ pipāsati | upa nūnaṁ yuyuje vṛṣaṇā harī ā ca jagāma vṛtrahā
Mandala 8 · Verse 12
svayaṁ cit sa manyate dāśurir jano yatrā somasya tṛmpasi | idaṁ te annaṁ yujyaṁ samukṣitaṁ tasyehi pra dravā piba
Mandala 8 · Verse 13
ratheṣṭhāyādhvaryavaḥ somam indrāya sotana | adhi bradhnasyādrayo vi cakṣate sunvanto dāśvadhvaram
Mandala 8 · Verse 14
upa bradhnaṁ vāvātā vṛṣaṇā harī indram apasu vakṣataḥ | arvāñcaṁ tvā saptayo 'dhvaraśriyo vahantu savaned upa
Mandala 8 · Verse 15
pra pūṣaṇaṁ vṛṇīmahe yujyāya purūvasum | sa śakra śikṣa puruhūta no dhiyā tuje rāye vimocana
Mandala 8 · Verse 16
saṁ naḥ śiśīhi bhurijor iva kṣuraṁ rāsva rāyo vimocana | tve tan naḥ suvedam usriyaṁ vasu yaṁ tvaṁ hinoṣi martyam
Mandala 8 · Verse 17
vemi tvā pūṣann ṛñjase vemi stotava āghṛṇe | na tasya vemy araṇaṁ hi tad vaso stuṣe pajrāya sāmne
Mandala 8 · Verse 18
parā gāvo yavasaṁ kac cid āghṛṇe nityaṁ rekṇo amartya | asmākam pūṣann avitā śivo bhava maṁhiṣṭho vājasātaye
Mandala 8 · Verse 19
sthūraṁ rādhaḥ śatāśvaṁ kuruṅgasya diviṣṭiṣu | rājñas tveṣasya subhagasya rātiṣu turvaśeṣv amanmahi
Mandala 8 · Verse 20
dhībhiḥ sātāni kāṇvasya vājinaḥ priyamedhair abhidyubhiḥ | ṣaṣṭiṁ sahasrānu nirmajām aje nir yūthāni gavām ṛṣiḥ
Mandala 8 · Verse 21
vṛkṣāś cin me abhipitve arāraṇuḥ | gām bhajanta mehanāśvam bhajanta mehanā
Mandala 8 · Verse 1
dūrād iheva yat saty aruṇapsur aśiśvitat | vi bhānuṁ viśvadhātanat
Mandala 8 · Verse 2
nṛvad dasrā manoyujā rathena pṛthupājasā | sacethe aśvinoṣasam
Mandala 8 · Verse 3
yuvābhyāṁ vājinīvasū prati stomā adṛkṣata | vācaṁ dūto yathohiṣe
Mandala 8 · Verse 4
purupriyā ṇa ūtaye purumandrā purūvasū | stuṣe kaṇvāso aśvinā
Mandala 8 · Verse 5
maṁhiṣṭhā vājasātameṣayantā śubhas patī | gantārā dāśuṣo gṛham
Mandala 8 · Verse 6
tā sudevāya dāśuṣe sumedhām avitāriṇīm | ghṛtair gavyūtim ukṣatam
Mandala 8 · Verse 7
ā naḥ stomam upa dravat tūyaṁ śyenebhir āśubhiḥ | yātam aśvebhir aśvinā
Mandala 8 · Verse 8
yebhis tisraḥ parāvato divo viśvāni rocanā | trīm̐r aktūn paridīyathaḥ
Mandala 8 · Verse 9
uta no gomatīr iṣa uta sātīr aharvidā | vi pathaḥ sātaye sitam
Mandala 8 · Verse 10
ā no gomantam aśvinā suvīraṁ surathaṁ rayim | voḻham aśvāvatīr iṣaḥ
Mandala 8 · Verse 11
vāvṛdhānā śubhas patī dasrā hiraṇyavartanī | pibataṁ somyam madhu
Mandala 8 · Verse 12
asmabhyaṁ vājinīvasū maghavadbhyaś ca saprathaḥ | chardir yantam adābhyam
Mandala 8 · Verse 13
ni ṣu brahma janānāṁ yāviṣṭaṁ tūyam ā gatam | mo ṣv a1nyām̐ upāratam
Mandala 8 · Verse 14
asya pibatam aśvinā yuvam madasya cāruṇaḥ | madhvo rātasya dhiṣṇyā
Mandala 8 · Verse 15
asme ā vahataṁ rayiṁ śatavantaṁ sahasriṇam | purukṣuṁ viśvadhāyasam
Mandala 8 · Verse 16
purutrā cid dhi vāṁ narā vihvayante manīṣiṇaḥ | vāghadbhir aśvinā gatam
Mandala 8 · Verse 17
janāso vṛktabarhiṣo haviṣmanto araṁkṛtaḥ | yuvāṁ havante aśvinā
Mandala 8 · Verse 18
asmākam adya vām ayaṁ stomo vāhiṣṭho antamaḥ | yuvābhyām bhūtv aśvinā
Mandala 8 · Verse 19
yo ha vām madhuno dṛtir āhito rathacarṣaṇe | tataḥ pibatam aśvinā
Mandala 8 · Verse 20
tena no vājinīvasū paśve tokāya śaṁ gave | vahatam pīvarīr iṣaḥ
Mandala 8 · Verse 21
uta no divyā iṣa uta sindhūm̐r aharvidā | apa dvāreva varṣathaḥ
Mandala 8 · Verse 22
kadā vāṁ taugryo vidhat samudre jahito narā | yad vāṁ ratho vibhiṣ patāt
Mandala 8 · Verse 23
yuvaṁ kaṇvāya nāsatyā ṛpiriptāya harmye | śaśvad ūtīr daśasyathaḥ
Mandala 8 · Verse 24
tābhir ā yātam ūtibhir navyasībhiḥ suśastibhiḥ | yad vāṁ vṛṣaṇvasū huve
Mandala 8 · Verse 25
yathā cit kaṇvam āvatam priyamedham upastutam | atriṁ śiñjāram aśvinā
Mandala 8 · Verse 26
yathota kṛtvye dhane 'ṁśuṁ goṣv agastyam | yathā vājeṣu sobharim
Mandala 8 · Verse 27
etāvad vāṁ vṛṣaṇvasū ato vā bhūyo aśvinā | gṛṇantaḥ sumnam īmahe
Mandala 8 · Verse 28
rathaṁ hiraṇyavandhuraṁ hiraṇyābhīśum aśvinā | ā hi sthātho divispṛśam
Mandala 8 · Verse 29
hiraṇyayī vāṁ rabhir īṣā akṣo hiraṇyayaḥ | ubhā cakrā hiraṇyayā
Mandala 8 · Verse 30
tena no vājinīvasū parāvataś cid ā gatam | upemāṁ suṣṭutim mama
Mandala 8 · Verse 31
ā vahethe parākāt pūrvīr aśnantāv aśvinā | iṣo dāsīr amartyā
Mandala 8 · Verse 32
ā no dyumnair ā śravobhir ā rāyā yātam aśvinā | puruścandrā nāsatyā
Mandala 8 · Verse 33
eha vām pruṣitapsavo vayo vahantu parṇinaḥ | acchā svadhvaraṁ janam
Mandala 8 · Verse 34
rathaṁ vām anugāyasaṁ ya iṣā vartate saha | na cakram abhi bādhate
Mandala 8 · Verse 35
hiraṇyayena rathena dravatpāṇibhir aśvaiḥ | dhījavanā nāsatyā
Mandala 8 · Verse 36
yuvam mṛgaṁ jāgṛvāṁsaṁ svadatho vā vṛṣaṇvasū | tā naḥ pṛṅktam iṣā rayim
Mandala 8 · Verse 37
tā me aśvinā sanīnāṁ vidyātaṁ navānām | yathā cic caidyaḥ kaśuḥ śatam uṣṭrānāṁ dadat sahasrā daśa gonām
Mandala 8 · Verse 38
yo me hiraṇyasaṁdṛśo daśa rājño amaṁhata | adhaspadā ic caidyasya kṛṣṭayaś carmamnā abhito janāḥ
Mandala 8 · Verse 39
mākir enā pathā gād yeneme yanti cedayaḥ | anyo net sūrir ohate bhūridāvattaro janaḥ
Mandala 8 · Verse 1
mahām̐ indro ya ojasā parjanyo vṛṣṭimām̐ iva | stomair vatsasya vāvṛdhe
Mandala 8 · Verse 2
prajām ṛtasya piprataḥ pra yad bharanta vahnayaḥ | viprā ṛtasya vāhasā
Mandala 8 · Verse 3
kaṇvā indraṁ yad akrata stomair yajñasya sādhanam | jāmi bruvata āyudham
Mandala 8 · Verse 4
sam asya manyave viśo viśvā namanta kṛṣṭayaḥ | samudrāyeva sindhavaḥ
Mandala 8 · Verse 5
ojas tad asya titviṣa ubhe yat samavartayat | indraś carmeva rodasī
Mandala 8 · Verse 6
vi cid vṛtrasya dodhato vajreṇa śataparvaṇā | śiro bibheda vṛṣṇinā
Mandala 8 · Verse 7
imā abhi pra ṇonumo vipām agreṣu dhītayaḥ | agneḥ śocir na didyutaḥ
Mandala 8 · Verse 8
guhā satīr upa tmanā pra yac chocanta dhītayaḥ | kaṇvā ṛtasya dhārayā
Mandala 8 · Verse 9
pra tam indra naśīmahi rayiṁ gomantam aśvinam | pra brahma pūrvacittaye
Mandala 8 · Verse 10
aham id dhi pituṣ pari medhām ṛtasya jagrabha | ahaṁ sūrya ivājani
Mandala 8 · Verse 11
aham pratnena manmanā giraḥ śumbhāmi kaṇvavat | yenendraḥ śuṣmam id dadhe
Mandala 8 · Verse 12
ye tvām indra na tuṣṭuvur ṛṣayo ye ca tuṣṭuvuḥ | mamed vardhasva suṣṭutaḥ
Mandala 8 · Verse 13
yad asya manyur adhvanīd vi vṛtram parvaśo rujan | apaḥ samudram airayat
Mandala 8 · Verse 14
ni śuṣṇa indra dharṇasiṁ vajraṁ jaghantha dasyavi | vṛṣā hy ugra śṛṇviṣe
Mandala 8 · Verse 15
na dyāva indram ojasā nāntarikṣāṇi vajriṇam | na vivyacanta bhūmayaḥ
Mandala 8 · Verse 16
yas ta indra mahīr apaḥ stabhūyamāna āśayat | ni tam padyāsu śiśnathaḥ
Mandala 8 · Verse 17
ya ime rodasī mahī samīcī samajagrabhīt | tamobhir indra taṁ guhaḥ
Mandala 8 · Verse 18
ya indra yatayas tvā bhṛgavo ye ca tuṣṭuvuḥ | mamed ugra śrudhī havam
Mandala 8 · Verse 19
imās ta indra pṛśnayo ghṛtaṁ duhata āśiram | enām ṛtasya pipyuṣīḥ
Mandala 8 · Verse 20
yā indra prasvas tvāsā garbham acakriran | pari dharmeva sūryam
Mandala 8 · Verse 21
tvām ic chavasas pate kaṇvā ukthena vāvṛdhuḥ | tvāṁ sutāsa indavaḥ
Mandala 8 · Verse 22
taved indra praṇītiṣūta praśastir adrivaḥ | yajño vitantasāyyaḥ
Mandala 8 · Verse 23
ā na indra mahīm iṣam puraṁ na darṣi gomatīm | uta prajāṁ suvīryam
Mandala 8 · Verse 24
uta tyad āśvaśvyaṁ yad indra nāhuṣīṣv ā | agre vikṣu pradīdayat
Mandala 8 · Verse 25
abhi vrajaṁ na tatniṣe sūra upākacakṣasam | yad indra mṛḻayāsi naḥ
Mandala 8 · Verse 26
yad aṅga taviṣīyasa indra prarājasi kṣitīḥ | mahām̐ apāra ojasā
Mandala 8 · Verse 27
taṁ tvā haviṣmatīr viśa upa bruvata ūtaye | urujrayasam indubhiḥ
Mandala 8 · Verse 28
upahvare girīṇāṁ saṁgathe ca nadīnām | dhiyā vipro ajāyata
Mandala 8 · Verse 29
ataḥ samudram udvataś cikitvām̐ ava paśyati | yato vipāna ejati
Mandala 8 · Verse 30
ād it pratnasya retaso jyotiṣ paśyanti vāsaram | paro yad idhyate divā
Mandala 8 · Verse 31
kaṇvāsa indra te matiṁ viśve vardhanti pauṁsyam | uto śaviṣṭha vṛṣṇyam
Mandala 8 · Verse 32
imām ma indra suṣṭutiṁ juṣasva pra su mām ava | uta pra vardhayā matim
Mandala 8 · Verse 33
uta brahmaṇyā vayaṁ tubhyam pravṛddha vajrivaḥ | viprā atakṣma jīvase
Mandala 8 · Verse 34
abhi kaṇvā anūṣatāpo na pravatā yatīḥ | indraṁ vananvatī matiḥ
Mandala 8 · Verse 35
indram ukthāni vāvṛdhuḥ samudram iva sindhavaḥ | anuttamanyum ajaram
Mandala 8 · Verse 36
ā no yāhi parāvato haribhyāṁ haryatābhyām | imam indra sutam piba
Mandala 8 · Verse 37
tvām id vṛtrahantama janāso vṛktabarhiṣaḥ | havante vājasātaye
Mandala 8 · Verse 38
anu tvā rodasī ubhe cakraṁ na varty etaśam | anu suvānāsa indavaḥ
Mandala 8 · Verse 39
mandasvā su svarṇara utendra śaryaṇāvati | matsvā vivasvato matī
Mandala 8 · Verse 40
vāvṛdhāna upa dyavi vṛṣā vajry aroravīt | vṛtrahā somapātamaḥ
Mandala 8 · Verse 41
ṛṣir hi pūrvajā asy eka īśāna ojasā | indra coṣkūyase vasu
Mandala 8 · Verse 42
asmākaṁ tvā sutām̐ upa vītapṛṣṭhā abhi prayaḥ | śataṁ vahantu harayaḥ
Mandala 8 · Verse 43
imāṁ su pūrvyāṁ dhiyam madhor ghṛtasya pipyuṣīm | kaṇvā ukthena vāvṛdhuḥ
Mandala 8 · Verse 44
indram id vimahīnām medhe vṛṇīta martyaḥ | indraṁ saniṣyur ūtaye
Mandala 8 · Verse 45
arvāñcaṁ tvā puruṣṭuta priyamedhastutā harī | somapeyāya vakṣataḥ
Mandala 8 · Verse 46
śatam ahaṁ tirindire sahasram parśāv ā dade | rādhāṁsi yādvānām
Mandala 8 · Verse 47
trīṇi śatāny arvatāṁ sahasrā daśa gonām | daduṣ pajrāya sāmne
Mandala 8 · Verse 48
ud ānaṭ kakuho divam uṣṭrāñ caturyujo dadat | śravasā yādvaṁ janam
---- Next Page ----
